当前位置:主页 > 汇聚美食 >学生相/证件相DIY>内容

学生相/证件相DIY

2020-07-03 10:52 来源于:shenmy 我要评论(239)

小女学校刚要办理留位手续,又係时候要影过一啲学生相啦。大家通常会去边啲地方影呢?连锁沖晒店,抑或影相铺,定自动证件相机呢?其实一般学生相/证件相自己係屋企都得。一如我上次一篇关于自家影楼的文章,自己影学生相/证件相有一定的好处:

    外面影通常都係冇softcopy比番你,要再晒就等于要再影过。自己影嘅话,有需要攞番出嚟print过就得。通常一两take要搞掂,影得唔好(摄影师或铺头职员)或者自己状态不佳影得唔好就冇计啦。自己可以影到啱,拣到啱先攞嚟做学生相/证件相。尤其係影小朋友,通常个output出嚟都唔係太理想。小儿试过影出嚟嘅结果係鬆郁懞,唔关摄影师问题,係小儿座唔定嘅后果。自己影可以用尽自己方法慢慢搞掂个小朋友先影。

 

器材需要如下:

    相机(单反,无反,DC仔都得)。闪光灯,内置或外置皆可,当然最好外置闪光灯。一盏起,多一两盏更好(可以放係主体背后除黑影),但要注意要可以做到同步飞灯(红外綫或radio trigger)。应用软件,係Internet上面可以搵到一好多有关嘅freeware,今次用Passport Photo DIY做示範,最新版本係1.9。静色墙身或大卡纸(作为相片背景顔色)。


範例:

墙身为米色,主角为Minnie。影咗两个版本,再用其中一个版本经Photoshop退地再用蓝色做背景。

呢幅係用单灯射向天花板方法

呢幅係用两支闪光灯,一支放Minnie后面,另外一支加Softbox直打

呢幅係用Photoshop退地再用蓝色做背景

学生相/证件相创制步骤如下:

打开软件后,按左上角第一按按键(Open jpg)开啓所需相片。

相片开啓后,可经内置剪裁所需大小,如上图。有需要亦可经Effect按键修饰相片。完成以上步骤后可选证件相大小(可产生 1.5"x 2"、 1.48"x 1.95"、1.4"x 1.8"、2"x2"、2"x 2.8"、0.75"x1"、1.125"x 1.5" 、 3"x4" 、40 x 50mm、 45 x 55mm、50 x 50mm 及 50 x 70mm 证件相,并有白边粗幼及佔用位置选择)。

完成以上各项设定后,按Render Photo键,软件会根据设定自动产生4R相片。如效果不理想,可按Back键返回上一步。

完成后,按Save source键储存最终版本。

以上为1.5"x 2"版本,下图为40 x 50mm版本(香港证件相所需尺寸)

希望这篇文章可以帮到大家。

热门阅读
猜你喜欢
图文精选